விருதுநகர் மாவட்டம் மக்கள் குறை தீர்க்கும் நாள் கூட்டம்

விருதுநகர் மாவட்டம்மக்கள் குறை தீர்க்கும் நாள் கூட்டம் மாவட்ட  ஆட்சித்தலைவர் முனைவர் வீ.ப.ஜெயசீலன்,இ.ஆ.ப., அவர்கள் தலைமையில் நடைபெற்றது. ரோசல்பட்டியைச்  சேர்ந்த திருமதி துர்காதேவி என்பவர் தனக்கு சுயதொழில் புரிய தையல் இயந்திரம் வேண்டி இன்று நடைபெற்ற மக்கள் குறைதீர்க்கும் நாள் கூட்டத்தில் மனு அளித்தார். அவரது கோரிக்கை பரிசீலனை செய்து உடனடியாக அவருக்கு இலவச தையல் இயந்திரத்தினை மாவட்ட ஆட்சித்தலைவர் அவர்கள் வழங்கினார்.விருதுநகர் மாவட்ட ஆட்சியர் அலுவலக வளர்ச்சி மன்றக் கூட்டரங்கில் மக்கள் குறைதீர்க்கும் நாள்; கூட்டம் மாவட்ட ஆட்சித்தலைவர் முனைவர் வீ.ப.ஜெயசீலன்,இ.ஆ.ப., அவர்கள் தலைமையில் இன்று (13.03.2023) நடைபெற்றது.இக்கூட்டத்தில், இலவச வீட்டுமனை பட்டா மற்றும் பட்டா மாறுதல், குடும்ப அட்டை, வேலைவாய்ப்பு,  முதியோர், விபத்து நிவாரணம், மாற்றுத்திறனாளிகள், நலிந்தோர் நலத்திட்டம் மற்றும் விதவை உதவித்தொகை, திருமண உதவித்தொகை உள்ளிட்ட பல்வேறு கோரிக்கைகள் தொடர்பாக 524 மனுக்கள் பெறப்பட்டது. இம்மனுக்களை மாவட்ட ஆட்சித்தலைவர் அவர்கள் சம்மந்தப்பட்ட துறை அலுவலர்களிடம் ஒப்படைத்து உரிய நடவடிக்கை எடுக்குமாறு உத்தரவிட்டார்கள். மேலும் முதலமைச்சர் தனிப்பிரிவு மனுக்கள் மீது தனிக்கவனம் செலுத்தி நடவடிக்கை எடுக்குமாறு மாவட்ட ஆட்சித்தலைவர் அவர்கள் அறிவுறுத்தினார்கள்.  இக்கூட்டத்தில், ரோசல்பட்டியைச்  சேர்ந்த திருமதி துர்காதேவி என்பவர் தனக்கு சுயதொழில் புரிய தையல் இயந்திரம் வேண்டி இன்று நடைபெற்ற மக்கள் குறைதீர்க்கும் நாள் கூட்டத்தில் மனு அளித்தார். அவரது கோரிக்கை பரிசீலனை செய்து உடனடியாக அவருக்கு சமூக நலன் மற்றும் மகளிர் உரிமைத்துறையின் மூலம் இலவச தையல் இயந்திரத்தினை மாவட்ட ஆட்சித்தலைவர் முனைவர் வீ.ப.ஜெயசீலன்.,இ.ஆ,ப., அவர்கள் வழங்கினார்.இக்கூட்டத்தில், மாவட்ட வருவாய் அலுவலர் திரு.ஜெ.ரவிகுமார், சமூல நலன் மற்றும் மகளிர் உரிமைத்துறை அலுவலர் திருமதி இந்திரா, ஆதிதிராவிட நலத்துறை அலுவலர் திருமதி வித்யா, மாவட்ட ஆட்சியரின் நேர்முக உதவியாளர்(பொது) திரு.சிவக்குமார், மாவட்ட ஆட்சியரின் நேர்முக உதவியாளர்(நிலம்) திரு.முத்துக்கழுவன், மாற்றுத்திறனாளிகள் நல அலுவலர் திரு.சந்திரசேகர், மாவட்ட ஆட்சியரின் நேர்முக உதவியாளர்(கலால்) திரு. அமிர்தலிங்கம் உட்பட பல்வேறு துறை சார்ந்த அரசு அலுவலர்கள் பலர் கலந்து கொண்டனர்.