• Home
  • Breaking
  • மீண்டும் பன்னீர் செல்வத்தை தமிழக முதல்வராக்க திட்டம்- தங்க தமிழ்ச்செல்வன்
Breaking தமிழகம்

மீண்டும் பன்னீர் செல்வத்தை தமிழக முதல்வராக்க திட்டம்- தங்க தமிழ்ச்செல்வன்

தேனியில் அ.ம.மு.க. கொள்கை பரப்பு செயலாளர் தங்க தமிழ்ச்செல்வன் இன்று நிருபர்களுக்கு பேட்டியளித்தார். அப்போது அவர் கூறியதாவது:-

தேனி பாராளுமன்ற தேர்தலில் ரவீந்திரநாத் குமார் வெற்றிபெற்றதை ஏற்றுக் கொள்ளவே முடியவில்லை. மக்கள் பணத்துக்கு மயங்கி விட்டனர். நாங்களும் பணம் கொடுத்திருந்தால் வெற்றி பெற்றிருக்க முடியும். காங்கிரஸ் வேட்பாளர் இளங்கோவன் வெற்றி பெற்றிருந்தால் கூட எனக்கு மகிழ்ச்சியாக இருந்திருக்கும்.

இனி வரும் தேர்தல்களில் பணம் கொடுத்தால் மட்டுமே மக்களை வாக்களிக்க வைக்க முடியும் என்ற சூழ்நிலை உருவாகி விட்டது. இத ஜனநாயகத்துக்கு ஆபத்தானது. தமிழகம் முழுவதும் தி.மு.க. – காங்கிரஸ் கூட்டணி வேட்பாளர்கள் வெற்றி பெற்ற போது தேனி தொகுதியில் மட்டும் அ.தி.மு.க. வெற்றி பெற்றது எப்படி? இது தேர்தல் ஆணையத்தின் ஆசியால்தான் நடந்துள்ளது. இந்தியாவில் தேர்தல் ஆணையம் உள்ளதா? என்பதே சந்தேகமாக உள்ளது.

இந்த வெற்றியின் மூலம் ஓ.பன்னீர் செல்வம் மீண்டும் தனக்குள்ள செல்வாக்கை பிரதமர் மோடியிடம் தெரிவிப்பார். அதன் மூலம் பா.ஜனதா ஆதரவுடன் ஓ.பன்னீர்செல்வம் தமிழக முதல்-அமைச்சராக பதவி ஏற்பார்.

எங்களுக்கு பரிசுப்பெட்டி சின்னம் கொடுத்தது தேர்தல் தோல்விக்கு மற்றொரு காரணமாக அமைந்து விட்டது. இந்த சின்னத்தை வாக்காளர்களிடம் கொண்டு சேர்க்க முடியவில்லை. தேர்தலில் எனக்கும் எங்களது கட்சி வேட்பாளர்களுக்கும் வாக்களித்த மக்களுக்கு நன்றி.இவ்வாறு அவர் கூறினார்.

Related posts

அரசு ஆஸ்பத்திரிகளில் எச்.ஐ.வி. ரத்தம்: அமைச்சர் விஜயபாஸ்கரை ‘டிஸ்மிஸ்’ செய்ய வேண்டும் மு.க.ஸ்டாலின் வலியுறுத்தல்

dhinasakthi news

சி.வி.சண்முகத்தின் கருத்து வரவேற்கத்தக்கது:அமைச்சர் ஜெயக்குமார்

dhinasakthi news

மதுரை காமராஜர் பல்கலைக்கழக துணைவேந்தராக கிருஷ்ணன் நியமனம் Facebook Twitter Google+ Mail Text Size Print

dhinasakthi news

Leave a Comment