• Home
  • இந்தியா
  • 28 சதவீத உச்சபட்ச 28 சதவீத ஜி.எஸ்.டி. பிரிவில் 34 சொகுசு பொருட்களே உள்ளன:அருண் ஜெட்லி
இந்தியா

28 சதவீத உச்சபட்ச 28 சதவீத ஜி.எஸ்.டி. பிரிவில் 34 சொகுசு பொருட்களே உள்ளன:அருண் ஜெட்லி

– அருண் ஜெட்லி

டெல்லியில் நடைபெற்ற ஜி.எஸ்.டி. கவுன்சில் கூட்டத்திற்கு பிறகு பேட்டி அளித்த மத்திய நிதியமைச்சர் அருண் ஜெட்லி 28 சதவீத உச்சபட்ச 28 சதவீத ஜி.எஸ்.டி. பிரிவில் 34 சொகுசு பொருட்களே உள்ளன என கூறினார்.

ஜி.எஸ்.டி. கவுன்சிலின் 31-வது கூட்டம் புதுடெல்லியில் நிதியமைச்சர் அருண் ஜெட்லி தலைமையில் நடைபெற்றது.

இந்த கூட்டத்தில் தமிழக அரசு சார்பில் அமைச்சர் ஜெயக்குமார், முதன்மைச் செயலாளர் பாலச்சந்திரன், வணிகவரித் துறை தலைமைச் செயலாளர் சோமசுந்தரம் ஆகியோர் கலந்து கொண்டனர்.

சரக்கு மற்றும் சேவை வரியினால் 2017 ஜூலை மாதத்திலிருந்து 2018 செப்டம்பர் மாதம் வரை தமிழகத்துக்கு ஏற்பட்டுள்ள இழப்பு தொகையான மூன்றாயிரத்து 230 கோடி ரூபாயினை மத்திய அரசு அளிக்க வேண்டும். ஐந்தாயிரத்து 454 கோடி ரூபாய் நிலுவைத் தொகையினை உடனடியாக மத்திய அரசு அளிக்க வேண்டும் என்றும் தமிழகம் சார்பில் வலியுறுத்தப்பட்டுள்ளது.

மேலும் தமிழக வர்த்தகர்கள் முன்வைத்துள்ள சில வரி குறைப்பு கோரிக்கைகளும் ஜி.எஸ்.டி. கவுன்சில் கூட்டத்தில் வலியுறுத்தப்பட்டுள்ளது.

கூட்டத்தில் 33 பொருட்களுக்கான ஜி.எஸ்.டி. வரி குறைக்கப்பட்டுள்ளது என இதற்கான கவுன்சில் கூட்டத்தில் முடிவு செய்யப்பட்டு உள்ளது. இவற்றில் 7 பொருட்கள் மீதான ஜி.எஸ்.டி. 2 சதவீதத்தில் இருந்து 18 சதவீதமாக குறைக்க ஜி.எஸ்.டி. கவுன்சில் முடிவு செய்துள்ளது. மீதமுள்ள 26 பொருட்கள் மீதான ஜி.எஸ்.டி. 12 சதவீதத்தில் இருந்து 5 சதவீதமாக குறைக்க ஜி.எஸ்.டி. கவுன்சில் கூட்டத்தில் முடிவு எடுக்கப்பட்டு உள்ளது.

கூட்டத்திற்கு பின் நிதியமைச்சர் அருண் ஜெட்லி நிருபர்களுக்கு பேட்டி அளித்தார். அதன் முக்கிய அம்சங்கள் வருமாறு:-

* இன்றைய கூட்டத்தில் 33 பொருட்களுக்கு ஜி.எஸ்.டி. வரி குறைக்கப்பட்டு உள்ளது. 28 சதவீத உச்சபட்ச ஜி.எஸ்.டி. பிரிவில் 34 சொகுசு பொருட்களே உள்ளன.

* டிவி உள்ளிட்ட மின்னணு பொருட்கள் மீதான வரிகள் குறைக்கப்பட்டு உள்ளது.

* மானிட்டர்கள் மற்றும் தொலைக்காட்சி திரைகள், டயர்கள், லித்தியம்-அயன் பேட்டரிகளின் ஜி.எஸ்.டி. 28 சதவீதத்தில் இருந்து 18 சதவீதமாக குறைக்கப்பட்டுள்ளன.

* கட்டுமான துறைக்கு உதவும் வகையில் சிமெண்ட் மீதான ஜி.எஸ்.டி. வரி குறைக்கப்பட்டு உள்ளது.

* ரூ.100க்கு மேல் உள்ள சினிமா டிக்கெட்டுக்கான ஜி.எஸ்.டி. 28 சதவீதத்தில் இருந்து 18 சதவீதமாக ஆக குறைக்கப்பட்டு உள்ளது. ரூ.100க்கு கீழ் உள்ள சினிமா டிக்கெட்டுக்கான ஜி.எஸ்.டி. 18 சதவீதத்தில் இருந்து 12 சதவீதமாக குறைக்கப்பட்டுள்ளது என கூறினார்

Related posts

16-வது மக்களவையை கலைப்பு தீர்மானம் நிறைவேற்றம்

admin

தேர்தல் முடிவையடுத்து ஒருவரை ஒருவர் பார்த்துக்கொள்ளாத மோடி – ராகுல் காந்தி!

admin

காங்கிரஸ் கட்சியின் தலைவராக இராகுல் காந்தி நீடிப்பார்-காங்கிரஸ் காரிய கமிட்டி

admin

Leave a Comment